Ek vang myself gereeld dink aan

wat kon wees

ek

jy

ons

Nee, dis nie ‘n liefdes brief, meer soos ‘n smeek gedig. Ek wens jy was nog hier.

Ek sou jou vra oor jou dag

seker maak jy het iets om oor te glimlag

Ek sou graag jou trane afvee

langs jou loop, elke tree

Ek sou saam jou teen jou demone veg

ek sou jou asem met ‘n soen steel, maar dis reeds weg.

Jy los ‘n leemte binne my

ek wens jy het nie nodig gehad om te baklei

Net nog een keer sou ek

jou

wou

vashou

Jy het jou merk in my lewe gelos, en ‘n plek in my hart oorgeneem.

Ek is bly jy is gelukkig nou, maar wat het dit gekos.

Ons tyd was kort, ek wil nog met jou praat elke dag.

Die verlange en hartseer loop diep

maar

ek hoop jy rus sag.